အိန္ဒိယနိုင်ငံအရှေ့ပိုင်း၌ ကြက်ငှက်တုပ်ကွေး ထိန်းချုပ်လိုက်နိုင်ပြီဟု အာဏာပိုင်များက ထုတ်ပြန်ကြေညာပြီး တစ်လအကြာတွင် ကြက်ငှက်တုပ်ကွေးထပ်မံဖြစ်ပေါ်လာရာ ကြက်ထောင်ပေါင်းများစွာကို တိရစ္ဆာန်ကုသရေးဝန်ထမ်းများက မတ် ၁၀ရက်တွင် သတ်ဖြတ်ခဲ့ရသည်။ အနောက်ဘင်္ဂလားနယ် ဖူဂျီဒါဘိုင်ဒေသတွင် ကြက်ငှက်တုပ်ကွေးဖြစ်ပွားသည်ဟု သတင်းထုတ်ပြန်ခဲ့ကြောင်း၊ ရက်သတ္တပတ်နှစ်ပတ်ကျော်တွင် ထိုဒေသရှိ ကြက်နှင့်ဘဲ အကောင် ၉၀၀ သေဆုံးခဲ့ကြောင်း တာဝန်ရှိသူများက ပြောကြားသည်။
ဇန်န၀ါရီလတွင် ဖူရှီဒါဘတ်ဒ် ဒေသအပါအ၀င် ဒေသ ၁၉ခုအနက် ၁၃ခုတွင် H5N1 ဗိုင်းရပ်စ်ပိုးတွေ့ရှိခဲ့သည်။ ယင်းဒေသတွင် ကြက်ငှက်ရောင်းချမှုနှုန်းသည် ၇၀ ရာခိုင်နှုန်းကျော် ကျဆင်းခဲ့သည်။ သို့သော် နိုင်ငံတွင်းရှိ ကျန်ဒေသများ၌လည်း ကြက်ငှက် ရောင်းချမှုကို ပိတ်ပင်ထားသည်။ အိန္ဒိယနိုင်ငံတွင် ကြက်ငှက်တုပ်ကွေးရောဂါဆိုးရွားစွာ ဖြစ်ပေါ်နေသည်ဟု ကမ္ဘာ့ကျန်းမာရေးအဖွဲ့ (ဒဗလျူအိမ်ခ်ျအို)၏ ထုတ်ပြန်ချက် ပေါ်ထွက်လာပြီးနောက် ယင်းဒေသတွင် သက်ဆိုင်ရာတာဝန်ရှိသူများက ကြက်ငှက် ၃ ဒသမ ၄သန်း ကျော်ကို သတ်ဖြတ်ခဲ့သည်။ ကြက်ငှက်တုပ်ကွေး လူတို့၌ဖြစ်ပွားမှုကို မတွေ့ရှိပေ။ H5N1 ဗိုင်းရပ်ပိုးသည် လူတစ်ဦးမှတစ်ဦးသို့ လွယ်ကူစွာကူးစက်သွားပါက ကမ္ဘာတစ်ဝန်းတွင် လူသန်းပေါင်များစွာ သေဆုံးနိုင်သည့်အတွက် ကျွမ်းကျင်ပညာရှင်များက စိုးရိမ် ပူပန်လျက်ရှိသည်။ ကြက်ငှက်တုပ်ကွေးရောဂါသည် အခြားဒေသရှိ ကြက်ငှက်များသို့ ကူးစက်ပျံ့နှံ့သွားနိုင်ကြောင်း အိန္ဒိယအရှေ့ပိုင်း တာဝန်ရှိသူများက ပြောကြားသည်။
